BUTUAN CITY- Samtang padayon nga nakadetine sa The Hague, Netherlands, gi-insistar sa kampo ni kanhi Pangulong Rodrigo Duterte nga anaa matud pa sa likod si Pangulong Ferdinand Marcos Jr. sa pagpondo og mga testigo bataok niini sa International Criminal Court (ICC).
Kini ang bag-ong angolo nga gipa-ambit sa iyang lead defense lawyer nga si Nicholas Kaufman. Sumala sa abogado, nagpabiling positibo ang kanhi pangulo sa dagan sa iyang kaso bisan paman nga adunay nasinati-ang sakit sulod sa Scheveningen prison complex.
Samtang, mipasaka na og pormal nga waiver si Duterte sa Pre-Trial Chamber (PTC) I aron dili motunga sa hearing ugmang adlawa Biyernes kana motuki sa estado sa iyang kahimtang sa detensyon. Mingbalibad usab kining mo-atubang bisan via videoconference.
Sa gipirmahang dokumento niini, sigon ni Duterte nga hugot ang iyang pagsalig sa iyang ICC legal team aron mo representer kaniya sa hearing.
Dul-an usa ka tuig na nga naka-detine ang kanhi Presidente human nasikop niadtong Marso 11 tungod sa 3 counts sa crimes against humanity.
Nagsugod ang kaso sa pagkamatay sa 78 ka indibidwal ubos sa iyang kontrobersyal nga war on drugs.
Kalabot niini, gikatakda usab nga magpresinta og merito ang depensa karung adlawa Huwebes, Pebrero 26, 2026.
