BUTUAN CITY – 70 ka pamilya ang temporaryong gipapuyo sa 3 ka evacuation centers sa Surigao City tungod sa Bagyong Agaton.
Mi-abot usab sa 97 ang stranded nga pasahero sa Surigao base port ug Lipata port human wala na tuguting makabiyahe pa sa Philippine Coast Guard ang mga sakyanang pandagat.
Una nang gibutang sa alert Level 2 ang pipila ka lugar sa Surigao City tungod sa epekto sa Bagyo, kansa nakasinati na og pagbaha sukad pa kagahapon.
Human nabutang sa signal number 1 ang probinsiya sa Surigao Del Norte, nadesisyunan sa disaster council sa Surigao City nga magpatuman ug force evacuation sa mga residente sa Bonotan Area, Brgy Washington, lakip na ang kadtong anaa nagpuyo sa daplin sa dagat ug suba.
Sumala pa ni Ronnie Lozada, sa Provincial Disaster risk reduction and management Office kon PDRRMO-Surigao Del Sur nga activated na 24/7 ang operation center diin gipa-alerto ang tanang disaster council sa probinsiya samtang gi-ablihan na usab ang tanang evacuation center alang sa mga mamakwit.. (Rolan Janea)
