BUTUAN CITY – Patay na ang 15-anyos nga dalagitang gipusil sulod sa Sta Rosa Integrated School niadtong Agusto 7, base na sa kumpirmasyon sa iyang pamilya human nga wala na niini ma-antus ang na-angkong samad-pinusilan sa li-og human gipusil sa iyang 18-anyos nga kanhi uyab, sulod mismo sa lawak-tunghaan.
Madumdumang human sa insidente, gipusil usab sa suspetsado ang iyang kaugalingon resulta sa iyang kamatayon pagkasunod adlaw.
Base sa imbestigasyon, wala madawat sa suspetsado ang pagpakigbuwag sa biktima niadtong Hunyo kinsa mi-agi pa sa laing tunghaan aron malikayan ang suspetsado.
Ang maong hitabo naghatag og dakong kabalaka sa komunidad nga nakapadasig sa panawagan alang sa mas hugot nga seguridad sa mga eskwelahan.
Sa pagdungog sa Committee on Basic Education sa Senado kagahapon Martes, Agosto 12, gibutyag sa Department of Education (DepEd) nga ilang hugtan ang seguridad sa tanang eskwelahan.
Kumbinsido si Senador Raffy Tulfo nga kinahanglan adunay manubag sa kakulang sa seguridad nga miresulta sa sunod-sunod nga pamusil nga naglakip sa mga estudyante, magtutudlo ug principal.
Gimando usab karon sa Department of Interior and Local Government (DILG) ang – og mga tanod sa mga eskwelahan sa tibuok nasud higayong musulod ang mga estudyante aron motabang ug masiguro ang seguridad sa matag usa.
