BUTUAN CITY – Ningresign na isip congressman si Ako Bicol Partylist representative Zaldy Co kagahapong adlawa taliwala sa mga alegasyon batok niini sa kurapsyon nga may kalabutan sa flood control projects.
Sumala sa gipost niining kopya sa sulat alang kang House Speaker Faustino Dy III, girason niini ang “real, direct, grave and imminent threat” ngadto sa iyahang pamilya.
Lakip sa rason niini nga wala matud pa siya mahatagi sa iyahang katungod sa due process. Ang maong pagresign nahitabo human girekomenda sa Independent Commission for Infrastructure (ICI) ngadto sa Ombudsman nga pasakaan ang maong mambabalaod og kasong graft ug malversation, ingon man ang uban pang mga opisyal sa Department of Public Works and Highways (DPWH).
Una nang gipasanginlan si Co ug uban pang mga opisyal nga nakadawat matud pa og dakong salapi isip kickback gikan sa DPWH, ang akusasyon, nagsumikad sa benipisyo niining nakuha sa mga awards nga nadawat sa kompanya niining Sunwest Inc. Sa kasamtangan, anaa pa sa France o kha sa Spain si Co alang sa pagpatambal matud pa sigon sa Department of Justice, ug absent na usab kini sa kongreso sa dugay nang panahon.
Girevoke na usb ang travel clearance niini ni Speaker Faustino Dy III, ug nag request na ang DOJ og blue notice gikan sa Interpol arun mamonitor ang iyahang mga lihok. Subay niini. Hagit pa ni DOJ Secretary Boying Remulla nga kinahanglang atubangon ni Co ang iyahang mga kaso dinhia sa nasod.
Ang pamahayag ni DOJ Secretary Boying Remulla.
