BUTUAN CITY – Patay ang 19 ka mga indibidwal, lakip na ang usa ka bata sa lungsod sa San Remigio, Cebu human sa magnitude 6.9 nga linog nga mitay-og sa probinsya kagabii nganaka-trigger sa pag-isa og tsunami warning alert sa Philippine Institute of of Volcanology and Seismology kon PHIVOLCS.
Kini ang gikumpirma ni Police Capt. Jan Ace Elcid Layug, officer-in-charge sa San Remigio Municipal Police Station. Usa sa mga namatay, personnel sa Bureau of Fire Protection, samtang tulo usab ang sakop sa Philippine Coast Guard — nga mitabang pagresponde sa pagkaguba sa usa ka sports complex sa maong lungsod. Kahibaloang gitay-og sa magnitude 6.7 nga linog ang probinsya sa Cebu bandang alas 9:59 ang takna kagabie nga duna’y giladmong 10-kilometro ug tectonic ang gigikanan kondiin anaa sa Bogo, City, ang epicenter.
Nasinati ang intensity 3 nga pagtay-og sa San Fernando, Cebu samtang intensity 2 sa Laoang, Northern Samar. Samtang subay sa pagpanubay ni Cebu City Mayor Nestor Ar-chi-val kagabie, iyang nasaksihan ang mga damyos apil na sa Cebu Medical Center, dayong butyag nga wala unay klase sa ilang dakbayan karong adlawa.
