BUTUAN CITY- Gi-suspinde una ang final match sa Mubadala DC Open tali ni Filipina tennis star Alex Eala ug American top seed Jessica Pegula tungod sa kusog nga ulan ug kilat sa Washington, D.C.
Si Pegula nakadaog sa unang set sa skor nga 6-4, apan si Eala nag-una og 2-1 sa ikaduhang set sa dihang gi-undang ang duwa. Ang padayon nga final ipahigayon karong Martes, sa may alas-12:00 sa kaadlawon (oras sa Pilipinas), diin gilauman nga ipakita ni Eala ang iyang determinasyon ug kaisog sa unang higayon nga makasulod kini sa WTA Tour-level final.
Ang iyang pag-abot sa championship round usa ka dakong milestone sa career, human niini napildi ang mga top players sama nila Naomi Osaka, Elina Svitolina ug Leylah Fernandez. Ang maong oportunidad makahatag kaniya og posibilidad nga mosulod sa Top 25 sa WTA rankings ug makabutang sa iyang pangalan isip usa sa labing paspas nga mingsaka sa mga atleta sa kalibutan sa tennis.
