BUTUAN CITY – Gikumpirma sa Armed Forces of the Philippines kon AFP ang turnover sa remotely operated submersible drone gikan sa Philippine National Police (PNP) padulong sa kustodiya sa Philippine Navy.
Ang drone narekober sa usa ka mangingisda sa San Pascual, Masbate. Sa karun mihimo na ang PH Navy og imbestigasyon mahitungod sa gigikanan niini og kung unsa ang katuyoan niini.
Sumala sa AFP, ang nasangpit nga insidente nagpakita sa kamahinungdanon sa koordinasyon tali sa mga lokal nga mangingisda ug maritime stakeholders.
Gidayeg usab sa armadong kusog sa Pilipinas ang pagbantay ug padayon nga suporta sa mga mangingisda sa pag-report sa mga kadudahang aktibidad.
Gihagit sa AFP ang mga niini nga padayong makig-alayon aron masiguro ang mas epektibong monitoring sa atong kadagatan. Pagseguro pa sa AFP nga nakasentro sila sa kaluwasan ug seguridad sa maritime domain.
Una nang gibutyag ni Police Brigadier General Andre Dizon, regional director sa Police regional Office-5 nga nagsumikad ang drone sa China.
Sumala sa opisyal nga dunay nakitang mga chinese marking sa maong drone.
