BUTUAN CITY – Ilubong sa mga sakop sa Bureau of Fisheries and Aquatic Resources kon BFAR na nakabase sa lungsod sa Carmen, Agusan del Norte ang napalgang dolphin kaganinang alas-siete sa buntag sa baybayon sa Sitio Bulihon, Brgy. Tagcatong.
Sigon ni Joseph de los Santos sa Municipal Agriculture’s Office, ang maong dolphin nga duna’y gitas-ong walo ka tiil og gibug-atong 80 hangtud 100-kilos, himatyon na matud pa dihang napalgan.
Duna kini mga samad og gasgas sa lawas nga posibleng tungod sa pagkatusok sa na-anod nga mga kahoy og sa pagkapidpid niini sa kilid sa mga bato atol sa kusog nga balud sa kadagatan nga hatud sa pagkuso-kuso sa bagyong Urduja.
Ila matud pa kining gikuha sa maong lugar aron malikayan ang pag-ihaw og pagkaon sa mga tawo sa karne niini. (Beth Ruiz)
