BUTUAN CITY – Mihangyo si Ambago, Butuan City Brgy. Captain Monico Bustillo nga magtinabangay na lang sila sa liderato sa Butuan City Police Station 3 aron maresolba na ang dugay nang giproblema nga mi-awas nga septic tank sulod sa compound sa ilang mga barangay government buildings.
Kini human nga mi-abot ning sibyahan ang reklamo sa pipila ka mga residente tungod sa ngil-ad nga bahong gihungaw sa maong tangke nga naghatag og kahasol sa mga kliyenteng mudalikyat sa maong mga barangay government offices.
Sa pakighinabi naing sibyahan, gibutyag ni Kapitan Bustillo nga wala pa ang mga building sa ilang barangay, anaa na ang maong septic tank kansa kaniadto pa gi-condemn aron dilil na magamit pa.
Tumong lamang unta sa gikondena nang tangke nga magamit gihapon kini sa mga tawong mu-ukupa sa ilang birthing clinic.
Nagsugod matud pa ang problema dihang nabalhin sulod sa maong compound ang buhatan sa kapulisan kansa nagbangag sa kilid niini dihang wala madayon ang naha-una nilang planong magtukod og kaugalingon nilang pansayan uban sa septic tank niini. (Beth Ruiz)
