Mukabat sa balor 2.6-million pesos sa gituohang marijuana ang nakumpiska sa mga kapulisan gikan sa usa ka estudyante, subay sa gilusad nga buy-bust operation kaganinang alas 12:15 sa kadlawon, September 6, 2025 sa may Riverside, Brgy. 76-A, Davao City.
Dinakpan giilang usa ka alyas “Jovan”, 18-anyos nga residente sa maong lugar ug gikonsiderang Top 3-Regional Level High Value Individual (HVI).
Sa hiniusang operasyon sa kapulisan, napalit sa mga awtoridad gikan sa suspek ang usa ka medium-size nga Ziploc nga adunay sulod nga gidudahang pinauga nga marijuana.
Base sa report sa kapulisan, nakuha usab gikan sa suspek ang lima ka dagkong sealed transparent plastic cellophane bag, usa ka medium size nga Ziploc transparent plastic cellophane bag, ug usa ka open plastic cellophane bag nga aduna usay sulod sa gidudahang marijuana.
Sa kasamtangan, atubangon niini ang kasong may kalapasan sa RA 9165.
