BUTUAN CITY – Gidu-aw ni Police Regional Office-Caraga (PRO)-13 regional director Brigadier General Marcial Mariano Magistrado IV, ang haya sa pulis nga nakuryentihan sa pag-serve og search warrant didto sa Barobo, Surigao del Sur niadtong Hulyo 25 ning tuiga.
Madumdumang atol sa operasyon, bitbit ni Patrolman Jankent Tuazon, ang search warrant alang unta sa subject person nga si alyas Luisa kinsa gi-alegahang nakalapas sa Republic Act 10591 kon mas nailang Comprehensive Firearms and Ammunition Regulation Act.
Dihang nakamatikod ang suspek, iyang gi-activate ang electric fencing system hinungdan nga dihang nakahawid niini ang biktima, dali kining natumba ug nawad-an og panimuot rason nga daling gidala sa ospital.
Gi-transfer kini sa laing ospital dinhi sa dakbayan sa Butuan ug gibutang sa intensive care unit (ICU) apan namatay ra paglabay sa pipila ka adlaw.
Nasayrang membro si Tuazon nga taga-Barangay Magaud in Loreto, Agusan del Sur, sa 1301st Maneuver Company sa Regional Mobile Force Battalion (RMFB-13). Gipaniguro ni General Magistrado nga hatagan og financial support ang na-ilo niining pamilya.
