-- ADVERTISEMENT --
BUTUAN CITY – Nanawagan si Bise Presidente Sara Duterte sa mga military reservist nga panalipdan ang demokrasya ug adbokasiya sa tawhanong katungod sa nasud.
Sa iyang mensahe sa 46th National Reservist Week, giila ni Duterte ang mga reservist sa ilang serbisyo sa panahon sa emerhensiya, katalagman, ug krisis.
Sumala ni VP Sara, saludo siya sa kaandam ug dedikasyon sa mga reservist sa pagserbisyo sa nasud bisan taliwala pa man sa nagkalainlaing tahas sa ilang gipili nga habig o sektor sa katilingban.
Si VP Sara, kinsa usa usab ka reservist, miawhag sa iyang mga kaubang reservist nga ipaglaban ang kamatuoran ug panalipdan ang demokrasya ug iasdang ang katungod sa mga Pilipino.
