BUTUAN CITY – Gi-anunsyo sa Surigao del Norte Electric Cooperative (SURNECO) nga wala nay linya sa kuryente ang tanang barangay nga sakop sa Isla sa Nonoc tungod sa kusog nga hangin nga dala sa hanging habagat.
Gilangkuban kini sa barangay Aurora, Zaragoza, Lisondra, San Pedro, Cantiasay, Nonoc ug Talisay human nabali ang ilang transmission tower nga nahimutang sa Sitio Awasan, Barangay Aurora.
Sigon sa SURNECO, posible pang malangay ang pag-ayo ug pagbalik sa serbisyo sa kuryente tungod sa peligro nga dala sa daot nga panahon. Samtang gitangag usab sa kusog nga hangin ang atop sa usa ka panimalay sa Brgy. Bonifacio, Surigao City tungod sa kusog nga hangin hinungdan sa pipila ka minutong paghunong sa mga sakyanan nga anaa sa kalsada.
Subay sa mga residente, daw buhawi ang ning-igo sa ilang lugar, kondiin base sa CCTV footage, makitang daw tabanog nga gilupad sa hangin ang atop sa usa ka balay nga nahimutang kilid sa highway ug swerteng wala’y angol sa maong insidente
