BUTUAN CITY – Muabot sa 21 ka Lakbay–Alalay Stations ang gimontar sa Department of Public Works and Highways kon DPWH-Caraga sa tibook rehiyon aron mo-alalay sa mga biyahero karung Semana Santa.
Sa maong ihap, 6 ka Lakbay–Alalay Motorists Assistance Team Stations ang gibutang sa mga estratehikong lugar sa probinsiya sa Surigao del Sur.
Ang nasangpit nga inisyatiba gipatuman ilalom sa Lakbay-Alalay Program 2026, usa ka proyekto sa DPWH kauban ang partisipasyon sa mga Regional Offices og tanang District Engineering Offices, nga nagtumong nga maghatag og tabang ingon man serbisyo sa mga biyahero karung panahon sa Semana Santa.
Alang sa unang Distrito, gibutang ang mga Lakbay–Alalay Motorists Assistance Stations sa kadalanan sa Surigao–Davao Coastal Road sa Brgy. Poblacion, lungsod sa Lianga; Brgy. La Paz, Tago; Brgy. Poblacion, Cortes; ug sa Gamuton sa bayan ng Lanuza.
Samtang alang sa ikaduhang Distrito, makita kini sa Junction Lingig–Trento Road sa Brgy. Tabon, siyudad sa Bislig; ug sa Junction Barobo–Agusan del Sur Boundary sa Brgy. Poblacion, lungsod sa Barobo.
