BUTUAN CITY- Gipahibalo sa Department of Health kon DOH nga nahuman na niini ang procurement sa kapin 1.16 milyon ka botelya sa Tenofovir-Lamivudine-Dolutegravir kon TLD, ang unang linya nga antiretroviral kon ARV nga tambal alang sa mga tawo nga adunay Human Immunodeficiency Virus kon HIV, aron masiguro ang padayon nga suplay sa tambal sa tibuok nasud.
Ang pamahayag subay sa advisory sa LoveYourself Inc. kansa naglimite sa ARV refills ngadto sa duha ka semana tungod sa nalangan nga replenishment sa suplay. Sumala sa DOH, ang unang delivery sa tambal nalangan human mangayo og extension ang supplier tungod sa krisis sa Middle East, apan gisaad nga mokabat ang unang partial shipment sa kapin 455,000 ka botelya kaghapon adlawa Hulyo 5.
Samtang naghulat sa nasudnong distribusyon, gitugotan ang mga treatment hubs nga mopalit og ARVs pinaagi sa ubang lokal nga suppliers ug gamit ang PhilHealth Outpatient HIV/AIDS Treatment Benefit Package aron mapadayon ang pag-atiman sa mga pasyente.
