BUTUAN CITY- Mipahigayon sila Dennis Trillo ug Jennylyn Mercado uban sa ilang anak nga 17-anyos ug adunay autism nga si Alex Jazz og unang “DenJen Family Day” niadtong miaging simana sa Marquis Events Place, Taguig, diin nagtapok ang kapin 50 ka mga bata nga adunay autism spectrum ug ilang mga ginikanan alang sa usa ka adlaw nga puno sa kalipay apan ang pinakapunto mao ang paghatag og luwas ug mahigalaong espasyo alang sa mga pamilya nga susama kanila.
Giuyonan kini sa Autism Society Philippines ug gibutyag usab sa magtiayon nga ang tumong mao ang paghatag og kalipay samtang nagpalapad sa adbokasiya sa autism. Gipadayag usab ni Jennylyn ang personal nilang nasinati ug mga hagit sa pag-atiman sa usa ka anak nga adunay sa spectrum, gani gitinguha nilang ipakita sa uban nga dili sila nag-inusara.
Ang DenJen Family Day usa ka paagi sa magtiayon aron mapalapdan ang komunidad ug mapalig-on ang suporta sa matag pamilya, samtang gipaabot nila ang mensahe sa paglaum ug pagdasig sa mga ginikanan nga magpadayon sa kusog ug pagpakigbisog alang sa kabag-ohan ug kaayohan sa mga bata.
