-- ADVERTISEMENT --
BUTUAN CITY – Hapit nang i-anunsiyo ni Department of Health (DOH) Secretary Ted Herbosa ang dengue outbreak tungod kay anaa na matud pa sa outbreak levels ang mga natalang kaso niini sa entiro nasud.
Sigon ni Herbosa, iya nang naka-istorya ang director sa Epidemiology Bureau (EB) sa DOH kondiin gibutyag niining anaa na sa outbreak level ang dengue sa nasud.
Nagdumili una si Herbosa paghatag og dugang impormasyon sa isyu apan base sa gipagawas nga datos sa DOH, as of Agusto 3 ning tuiga, ang dengue cases nga natala sa tibuok nasud, misaka og 33% kondiin gikan sa 102,374 ka mga kaso, nahimo na kining 136,161.
Nakatala usab sila og 364 ka mga nakalas tungod sa maong sakit kansa mas ubos kung ikumpara sa 401 nga natala ning mi-aging tuig.
