BUTUAN CITY – Namatikdan sa Department of Agriculture (DA) ang kalit nga pag-triple sa demand sa ₱20 rice karong nasinatian sa nasud ang krisis tungod sa pagsipa sa presyo sa mga produktong petrolyo.
Sigon ni Agriculture Sec. Francisco Tiu-Laurel Jr., sulod lang sa gamay nga panahon paspas nga misaka ang demand ug konsumo sa bugas nga gibaligya sa kantidad nga ₱20 kada-kilo.
Tungod niini, gilugwayan pa sa DA ang oras sa operasyon sa mga Kadiwa outlets diin mapalit ang maong klase sa bugas aron maserbisyuhan ang mas daghang konsyumer nga kwalipikadong makapalit niini.
Nagdugang usab ang DA og manpower ug stock aroin matubag ang tripleng demand.
Gipaniguro sa kalihim nga taliwa sa pagtaas sa demand, kaya kining tubagon sa kasamtangang stock kondiin base sa bulto sa bugas nga duna sila, kaya pa niining mulungtad og hangtud napulo ka buwan, bisan og nag-triple pa ang demand.
