Delegado sa Caraga third placer sa  4th PDA High School Debate World Congress 2019

 

BUTUAN CITY – Pauli na dinhi sa Pilipinas ang mga membro sa CaraScian Debate Varsity gikan sa Caraga Regional Science High School kom CRSHS human sila nahimong third placer sa 4^th PDA High School Debate World Congress 2019 nga gipahigayon sa Tokyo, Japan.

Sa eksklubong pakighinabi sa Bombo Radyo Butuan kang debating coach Reymond Altres Mosquito, gawas nga over-all third placer sila sa maong debate, first placer  usab sila sa Breaking Team og first place usab sa Cultural Contribution Award – ang bugtong awardee sa tanang mga cultural presentation sa mga misalmo nga nasud.

Apil sa ilang mga debaters sila Toni Gayle Go nga maoy ilang prime minister maoy napiling 3^rd Best Tournament Speaker og 5^th Best Point of Information kon POIN tournament speaker.

Samtang ang ilang deputy prime minister nga si Kate Cyrille Besinio nahimong 2^nd Best Tournament Speaker og ang ilang Government Whip nga si Cyril Café nahimong 5^th Best Point of Information kon POI tournament speaker.

Gipasabot ni coach Mosquito nga usa kini ka invitational debate sa tanang high schools sa tibuok kalibutan nga gi-organisa sa Japan nga gi-host usab sa Parliamentary Debate Personal Development Association nga suportado sa Ministry of Education sa maong nasud apil na sa Culture, Sports, Science and Technology og sa Ministry of Foreign Affairs sa maong nasud.

Apil sa mga nasud nga misalmot niini ang Cambodia, Malaysia, Mongolia, Philippines, New Zealand, USA, South Africa, Romania, Sweden, UK, Russia, Indonesia, Mexico, Chile, Japan og Pilipinas.

Sa tanang mga nasud, ang Pilipinas lang ang duna’y duha ka mga debating teams kondiin ang usa naggikan sa Timber City Academy ning siyudad kansa wala giswerte. Apan ang Japan maoy duna’y daghang mga delegado.