BUTUAN CITY – Dili kaayo dako ang damyos nga hatud sa bagyong Basyang sa mga imprastraktura ning rehiyon sa Caraga.
Gibutyag ni Engr. Paul de los Santos – regional director sa DPWH-Caraga sa pakighinabi ning sibyahan, madala ra og rehabilitasyon ang mga damyos sa imprastraktura nga hatud sa maong bagyo aron masegurong dili kini musamot.
Gipa-estimate na matud pa niya ang kinatibuk-ang damyos nga hatud sa daut nga panahon sa ilang mga proyekto ning rehiyon aron iya na matud pang marekwisan og pundo sa ilang sentrong buhatan sunod semana.
Nasayrang apil sa naguba ang lima ka mga tulay og mga naliking dalan nga nahimutang sa nagkada-iyang bahin ning rehiyon.
Muhimo usab sila og rechanneling sa mga suba nga wala na magsubay sa saktong agi-anan ang tubig aron mabalik na sa normal ang pagdagayday niini. (Beth Ruiz)
