BUTUAN CITY – Gipahugtan na sa Department of Agriculture (DA) ang mga interbensiyon sa merkado para maprotektahan ang mga mamalitay og producers gikan sa posibleng pagsutoy sa presyo sa mga palitonon taliwa sa epekto sa nagpadayon nga kagubot sa Middle East.
Sa usa ka pamahayag, gibutyag ni Agriculture Secretary Francisco Laurel Jr. nga gipakusgan pa nila ang gihimong monitoring sa mga presyo ug nagmugna na usab og contingency plan para ma-secure ang mahinungdanong suplay.
Sumala sa kalihim, partikular nga nakapokus ang gobyerno sa pagseguro nga dunay igong food ug farm inputs para makaya ang kalit o grabeng pagtaas sa presyo tungod sa epekto sa kagubot sa Tunga-tungang Sidlakan.
Sigon pa niini nga bisan og migawas nga igo sa karun ang lokal nga suplay, prayoridad sa gobyerno ang stability para mapug-ngang maapektuhan sa pangkalibutanong kaba-ohan sa households.
Ang nasangpit nga lakang misunod sa datos gikan sa Philippine Statistics Authority (PSA) nga nagpakitang misaka sa 2.5% ang inflation sa 30% income households sa nasud niadtong Pebrero sa kasamtangang tuig.
