BUTUAN CITY – Giklaro ni 1Lt Jonald Romorosa- Civil Military Operations kon CMO officer sa 36th Infantry ‘Valor’ Battalion, Philippine Army nga duna nay napasakang kaso may kalabutan sa pagdagit sa 7 ka mga sibilyan sa Surigao Del Sur diin gibuhian ra usab gawas sa Cafgu member nga nakit-ang patay na.
Nasayrang kagahapong adlawa, nakita sa kasundaluhan ang padugta na nga patay’ng lawas sa bihag sa NPA nga si Ryan Badiang, sa bukirang parte sa Sitio Banawan Brgy. Maitum, boundary sa Lanuza ug Tandag City, Surigao del Sur.
Ang nasangpit nga biktima kanhe usab nga rebelde nga karun nagserbisyo isip Cafgu sulod na sa 1 ka tuig og buntis pa ang na-ilo nga asawa.
Gikumpirma usab sa opisyal nga putol na ang ulo sa biktima sa dihang ilang nakit-an, diin ang ulo nabulag sa lawasmga 10 metros ang kalay-on.
Sumala pa ni 1Lt Romorosa, dunay napasaka na silang kasong kidnapping ug murder batuk sa mga rebelde nga ilang natumbok nga maoy responsable sa hitabo.
Alayon niini misaad ang opisyal nga motabang sila hangtud na sa pagpalubong.
Alayon niini giawhag sa opisyal ang Commission on Human Rights kon CHR nga imbestigahan ang maong panghitabo.
