BUTUAN CITY – Naghatag og saktong lingaw ngadto sa mga Caraganons ang ‘Clash in Butuan’ nga gipahigayon kagahapon sa hapon sa may Father Saturnino Urios University kon FSUU gym.
Kini tungod sa nagpungasing mga kinomong gihubian sa mga Pinoy og foreign boxers kondiin malampusong nadepensahan sa boxing champs
Apil sa nasaksihang away ang RP Flyweight Championship fight tali nila Roel Rosia nga gikan sa Manila og Genesis Libranza nga gikan sa Cabadbaran City kinsa maoy midaog unnanimous decision.
Samtang sa RP welter weigth fight, midaog si Vincent Astrolario gikan sa Davao City via technical knockout batuk sa Thai boxer nga si Yotchanchai Takaeo kinsa gipakamang niya sa unang round pa lang sa ilang away.
Alang usab sa RP fly wieght fight, gihagba si Hengkit Berasinmo gikan sa Indonesia sa Pinoy nga si Orlie Silvestre sa unang round pa lang sa ilang away rason sa technical knockout niining kada-ugan. Samtang sa RP welter weight division midaog usab si Jay-r Inson pinaagi gihapon sa TKO sa batuk kang Allan Tañada.
Tumang kalipay ang gibati ni Butuan City Councilor Cromwell Nortega – chairman sa Committee on Sports sa Sangguniang Panlungsod ning siyudad human nasaksihan sa unang higayon ang live fight nga duna’y mga foreign boxers. (Beth Ruiz)
