BUTUAN CITY – Nagpabuto og flares ang puwersa sa China samtang nagpahigayon og maritime patrol ang eroplano sa Philippine Coast Guard (PCG) dool sa Mischief Reef sa West Philippine Sea.
Sigon ni Rear Admiral Jay Tarriela, PCG spokesperson for the West Philippine Sea, delikado ang insidente tungod kay dili maseguro kung hangtud asa muabot ang mga flare nga mamahimong moigo aircraft.
Gawas niini, naghatag usab matud pa og radio challenge ang Chinese forces ug gipamugos ang ilang “indisputable sovereignty” sa lugar, usa ka pamahayag nga hugot nga gipanghimakak sa PCG.
Gitumbok ni Tarriela nga ang Panganiban Reef anaa sa sulod sa exclusive economic zone (EEZ) sa Pilipinas.
Ang nasangpit nga bahura, nga kanhe giingong himoong nga silunganan lang sa mangingisda niadtong 1990s, usa na karun nga military base sa China.
