BUTUAN CITY – Daw nanghagit ang China sa dihang nag-deploy kini og People’a Liberation Army Navy Helicopter nga dunay tail number 47 samtang padayon nga gimonitor sa Philippine coastguard ang ilegal nga presensiya sa Chinese Coastguard vessel 5901 o mas gitawag nga Monster Ship.
Nagpabilin pa gihapon sa exclusive economic zone sa Pilipinas diin sa upat ka adlaw nasigpatan gihapon kini sa 60-90 nautical miles sa baybayon sa Zambales.
Sigon ni Philippine Coastguard Spokesperson for thw West Philippine Sea Commodore Jay Tarriela, bisan paman sa paningkamot sa PCG nga mohimo og radio challenge samtang gipamugos ang illegal nga presensiya niini sa kadagatan sa Pilipinas, padayon lang gihapon sa paglibot-libot og pagpaniid sa helicopter sa China.
Isip tubag naghatag og klarong direktiba si PCG Commandant Admiral Ronnie Gil Gavan nga dili magpatandog og mabalaka ug molikay sa mga aksiyon nga posibleng magpasamot sa tensiyon.
Una nang gitaho sa Armed Forces of the Philippines nga naka-alarma na ang ilegal nga presensiya sa monster ship sa China.
Sa Camp Aguinaldo, gibutyag ni Philippine navy spokesperson for the west philippines sea rear admiral Roy Vincent Trinidad nga gikonsidera nilang seryosong butang ang pagsulod sa Pilipinas nga ilegal.
Apan bisan paman niini, magpadayon ang ilang air og sea patrolling sa exclusive economic zone og West Philippine Sea.
