BUTUAN CITY – Ikatulo ang Carascian Debate Varsity Team nga maoy nagrepresenta sa Pilipinas sa sa 3rd PDA High School Parliamentary World Debate Congress nga gipahigayon sa Osaka Prefecture, Japan.
Sigon ni debating coach Reymond Mosquito, mi-abante ang ilang koponan ngadto sa semi-finals apan napildi sila sa Asano Senior High School Debating Team sa Japan nga maoy nahimong second placer. Mikampyon sa maong debate ang Shibuya Senior High School human nila naparot sa final round ang Asano.
Ang mga debaters sa Shibuya og Italy mi-abante sa semi-final round apan napildi ang mga Senior High debaters gikan sa Italy ngadto sa Pilipinas hinungdan nga anaa sila sa ika-upat nga pwesto.
Una nang napildi sa Carascians ang Kyoto Prefectural Sagano High School sa quarter finals. Ang all boys Asano debaters supak sa Pilipinas kinsa anaa sa affirmative side sa isyu nga “Resolved that this (house) government should subsidized prenatal services.”
Sa awarding ceremony, nakadawat ang Pilipinas og special awardsa nga gilan gkuban nila Armie Grace Pepino isip Best Point of Information Speaker, Christian Dale Paqueo og Philip Jezrael Nobleza isip mga Best Speakers.
Nadawat usab ni coach Mosquito ang special award isip 4th adjudicator. Ang 3rd PDA High School Parliamentary Debate World Congress (PDAWC) usa ka pinasahing kompetisyon alang sa mga high school students gikan sa tibuok kalibutan aron mag-debate gamit ang pinulungang English.
Usa usab kini ka okasyon alang sa cultural exchanges sa matag-estudyante. Karong tuiga, ang mga partisipante naggikan sa 18 ka mga nasud nga maoy milangkob sa dose ka mga debating teams sama sa Italy, Indonesia, Korea, Philippines, United Kingdom, Australia, Russia, France, Nepal, China, Jamaica, Canada, United States of America, Denmark, Norway, Austria, Germany og Mongolia.
Atol sa Cultural Exchange Night, ang Indonesia, Pilipinas og Italy gi-ila isi[ best presentors. Si coach Alfie Lito sa Caraga Regional Science High School ang mi-train kanila alang sa Bonok-Bonok Dance Steps uban sa Bag-ong Surigao isip background music. (Beth Ruiz)
