BUTUAN CITY – Mi-abot na sa 149 ka mga pasahero nga padulong unta sa nagkada-iyang direksyon gikan sa duha ka mga pantalan sa Surigao City og usa sa Agusan del Norte ang stranded human nga wala tuguti sa Philippine Coast Guard ang ilang pagbiyahe sukad pa kagabii.
Ang maong mga pasahero padulong unta sa Jagna, Bohol og sa Visayas area apil na sa Dinagat Islands apan wala na gipabiyahe ang ilang sakyan untang mga barko og bangka human gipa-ilalom sa storm warning signal no. 1 ang Caraga Region tungod sa bagyong Basyang.
Sigon ni PCG-Surigao City Seaman First Den Martin Panaligan, upat na mga de-pasaherong barko og 18 ka mga front cargo vessels ang stranded ngayon sa Lipata ferry terminal og Surigao City Port gawas pa sa laing usa ka passenger vessel sa pantalan sa Nasipit, Agusan del Norte.
Gihulat pa usab sa Office of the Civil Defense (OCD) Caraga ang report gikan sa uban pang mga local government units og ilang field offices aron masayran ang uban pang mga LGUs nga nagkansela sa ilang klase karong adlawa gawas sa Surigao del Norte nga nagkansela na sa ilang klase gikan sa preschool hangtud sa elementarya. (Beth Ruiz)
