BUTUAN CITY- Nagmarka og kasaysayan ang Caraga Region human sa pagpinirmahay sa Memorandum of Agreement alang sa pinaka-unang Cancer Assistance Fund (CAF) nga gipangulohan sa Democrito O. Plaza Memorial Hospital uban sa Department of Health.
Sumala ni Romelyn Esther T. Santos, RN, MN, Nurse V sa Department of Health – Center for Health Development Caraga nga isip pioneer site sa CAF, ang ospital nakaposisyon karon sa pagpalambo sa pondo alang sa cancer care—suporta sa mga high-risk nga indibidwal, pasyente, ug survivors pinaagi sa screening, laboratory tests, diagnostics, ug tambal.
Sigon pa niini, nga pinaagi sa CAF nga anaa na sa DOPMH o Democrito O. Plaza Memorial Hospital, mas duol na sa mga residente sa Caraga ang vital nga serbisyo sa panglawas.
Ang inisyatibo nagpalig-on sa pakigbisog batok sa kanser pinaagi sa paghatag prioridad sa mga kabus ug underserved communities, samtang naghatag og bag-ong paglaum alang sa mas maayong pag-atiman ug mas lig-on nga resulta sa panglawas.
