BUTUAN CITY – Tungod sa gipatumang mandatory og pre-emptive evacuation sa Office of the Civil Defense kon OCD-Caraga ngadto sa mga lugar nga taas ang risgo sa pagbaha og pagdahili sa yuta, nakatala na karon ang maong buhatan og 1,707 ka mga pamilya kon 7,192 ka mga indibidwal nga nanghikling na sa 71 ka mga identified evacuation centers.
Sigon ni April Rose Ann Sanchez – tigpamaba sa maong buhatan, ang maong mga e vacuees naggikan sa mga lungsod sa lalawigan sa Surigao del Norte og Surigao del Sur.
Samtang hugot nga monitoring ang gihimo sa Quick Response Team sa Department of Social Welfare and Development kon DSWD-Caraga sa mga lugar nga apektado sa bagyong Basyang ilabina kadtong mitala na og mga evacuees.
Sigon ni Eunice Montaus – information officer sa maong buhatan, duna na’y naka-preposition nga 5-mil ka mga family food packs isip ilang augmentation support sa mga local government units nga nanginahanglan niini.
Ang maong mga food packs nga anaa sa mga istratihikong lugar ning rehiyon nga nabahaan og taga-liog ingon man nakasinati og landslides sama sa Carrascal sa Surigao del Sur, Siargao Island sa Surigao del Norte nga nakasinati og brownout, Dinagat Island province og uban pa, nga nagkantidad og 1.4-milyunes pesos.
Gawas sa maong naka-preposition nga food packs, duna pa sila’y stockpile nga 1,166 ka mga food packs nga nagkantidad og 1.7-milyunes pesos kansa anaa sa ilang warehouse dinhi sa siyudad sa Butuan. (Beth Ruiz)
