BUTUAN CITY – Anaa na sa code white alert ang tibuok Caraga Region subay na sa nasinatiang mabagyuhong panahon tungod sa bagyong Vinta.
Sigon ni Romelyn Torralba – tigpamaba sa Department of Health (DOH)-Caraga, tumong niini nga ma-andam kanunay ang ilang pwersa sa tibuok rehiyon higayong duna’y emergency nga mahitabo sa tibuok panahon sa pagkuso-kuso sa maong bagyo.
Naka-standby na usab ang ilang mga staff nga andam i-deploy sa mga evacuation centers nga manginahanglan sa ilang serbisyo og duna na’y naka-preposition nga mga logistics kon medical supplies nga nagkantidad og 300-mil pesos kansa gihatud na sa matag-lalawigan aron magamit sa mga masakit unya nga mga evacuees.
Gi-awhag niini ang publiko nga likayang mugawas sa balay aron dili mabutang sa alanganin ang kinabuhi og mas maayong mag-impake sa mga kinahanglanong supplies nga magamit sa ilang paghikling.
Gitambagan usab niini ang mga gustong mugawas og balay nga magdala og mga pangsagang sa ulan og butas arn malikayan ang leptospirosis nga makuha gikan sa hugaw sa mga ilaga nga nasagol sa tubig-baha. (Beth Ruiz)
