BUTUAN CITY-Nagdeklara na ang Cagayan de Oro City og State of Energy Emergency human gi-aprobahan sa Sangguniang Panlungsod ang usa ka resolusyon sa gihimong special session niadtong Abril 7, 2026.
Gi-aprobahan sa 21st City Council ang Proposed Resolution No. 2026-203 subay sa rekomendasyon sa City Disaster Risk Reduction and Management Council (DRRMC), nga mohimo og meeting usa ka adlaw adiser ang maong sesyon. Ubos sa maong lakang, tugotan ang pagpagawas og P441 million gikan sa disaster funds sa lungsod aron maghatag og fuel ug food subsidies sa mga sektor nga apektado sa krisis.
Sumala ni Councilor Edgar Cabanlas, majority leader sa konseho, makadawat og P2,000 nga ayuda ang mga apektadong tricycle operators ug drivers sugod sa Miyerkules. Gawas niini, makakuha usab ang mga niini og dugang P5,000 one-time assistance gikan sa Department of Social Welfare and Development (DSWD).
Gisiguro pa sa City Council nga pinaagi sa resolusyon, mangandam ang executive department og usa ka emergency crisis plan aron masiguro ang husto nga pagpangapod-apod sa ayuda sa syudad. Una na nga mipagawas og Executive Order si Mayor Rolando “Klarex” Uy niadtong Marso 31 alang sa pagmugna og usa ka Energy Crisis Committee ug pag-butang og mga posibleng lakang batok sa epekto sa krisis sa lana. Lakip sa mga gilaomang makapahimolos sa mga programang gipatuman ang mga transport group, mag-uuma, mangingisda, senior citizens, persons with disabilities (PWDs), ug solo parents.
