BUTUAN CITY – Giimbistigahan na sa Civil Aviation Authority of the Philippines (CAAP) ang nahagsa nga helicopter sa sapa sa Sityo Arimung-mong, Barangay San Miguel, Guimba, Nueva Ecija bandang alang alas-5:00 ang takna sa hapon, Pebrero 1, 2025.
Sumala ni LtCol George Calauad Jr., Guimba Chief of Police, narekober gikan sa crash site ang patayng lawas sa usa ka babayeng nailang si Julia Flori Monzon Po, 25-anyos, residente sa Parañaque City.
Sumala sa CAAP, nakadawat matud pa ang Philippine Aeronautical Rescue Coordination Center og daghang mga emergency alert gikan sa maong helecopter.
Subay niini, gipadala na si Aircraft Accident Investigation and Inquiry Board lead investigator Col. Rhomel Ronda alang sa pagsusi sa maong nahagsa nga helicopter.
