BUTUAN CITY – Dako ang pagpasalamat ni Edgar Lumalis, residente sa brgy. Kinamlutan ning siyudad ngadto sa Bombo Radyo Butuan, human nga naplastar na ang iyang asawang si Geraldine kinsa ilegal nga gipabalhin og amo sa iyang kaugalingong amo human ang walo ngadto sa siyam ka buwan na niyang pagpanarbaho sa Riyadh, Saudi Arabia.
Sa eksklusibong interview ning sibyahan, gibutyag ni Lumalis nga tungod sa iyang pagduol sa Bombo Radyo, nagiyahan siya sa mi-atubang kaniyang si Bombo Kevin Linaac sa mga angayang buhaton og duulan hinungdan nga naplastar na karon sa legal nga trabaho ang iyang asawa.
Wala matud pa’y laing mi-abot sa iyang huna-huna kondili ang pagpatabang niadtong Enero uno ning tuiga dinhi sa Bombo Radyo uban sa kusog nga pagtuong matabangan siya sa problema sa iyang asawa nga maplastar sa iyang trabaho base na sa pagplastar usab sa iyang working agency.
Uban sa tanang usab sa mga Filipino community sa Riyadh, na-trace ang nahimutangan ni Geraldine kinsa legal nang nagtrabaho karon sa bag-o niyang amo.
Gawas niini, nakuha usab niya ang duha ka buwang suhulan nga wala mahatag sa iyang amo ngadto kaniya og ang sweldo niya karon gikan sa iya karong bag-ong amo. (Beth Ruiz)
