BUTUAN CITY – Kinasing-kasing usab nga gipasalamatan ni Butuan City Mayor-elect Lawrence Lemuel Fortun ang mga Butuanons nga subling misalig sa Team One Butuan hinungdan sa ilang 15-0 nga kada-ugan.
Sa eksklusibong pakighinabi sa Bombo Radyo Butuan, gibutyag sa bag-ong abogadong mayor nga la-uman matud pa sa mga Butuanons nga ipadayon sa iya unyang administrasyon ang nakahan-ay na nga mga planong pangkalambuan alang sa siyudad ilabina sa road network ug paghimo sa Butuan nga smart city.
Gipasalig sa mayor nga dili nila basta-basta ipatuman ang mga proyekto kung makita nilang duna’y mga natunhay nga isyu nga maka-apekto sa katawhan. Ka-abag matud pa niya sa pagpalambo pa sa siyudad ang mga stakeholders, mga eksperto, nagkada-iyang sektor ug mga resource persons.
Misaad usab ang bag-ong mayor nga ipatuman niya ang People Empowerment Code kondiin magmugna siya og mga mekanismo aron mapaminawan ang nagkada-iyang sektor sa ingon mapalambo ang ilang panginabuhian diha sa ilang gi-andam nga mga programa.
