BUTUAN CITY – Gipasalig sa lokal nga panggamhanan ning syudad sa Butuan nga andam sila kanunay nga muabag alang sa kalampusan sa 21st Caraga Regional Athletic Meet (CRAM) 2018 nga ipahigayon dinhi sa syudad.
Sa pakighinabi ning sibyahan, gibutyag ni Butuan City Councilor Cromwel Nortega, chairman sa Committee on Sports sa Sangguniang Panlungsod , mutabang sila paghatag og venue ug pag-akomodar sa mga atleta sa ilang mga panginahanglanon subay sa maong kalihukan.
Gibana-banang muabot sa dili muminus sa 7-milyones pesos ang gi-alokar nga pondo ning syudad alang sa CRAM nga gikuha gikan sa local school board ning syudad ug dili gikan sa panudlanan sa Butuan City Sports Office.
Sa apagkakaron, padayon silang nakig-alayon ngadto sa Butuan City Sports Office aron masayran kung unsa pa ang ilang maabag ngadto sa nasangpit nga kalihukan nga magsugod na karong Pebrero 24 ngadto sa Marso uno ning tuiga. (Mon Aplaya)
