BUTUAN CITY – Padayon pang gisuta sa Bureau of Fire Protection Butuan ang tinuod nga hinungdan ug ang kinatibuk-ang damyos sa dakong sunog nga mi-ulbo ug milamoy sa usa ka balay sa purok 4- San Igancio ning dakbayan sa Butuan pasado alas 11 kagabie.
Sa pakighinabi sa Bombo Radyo Butuan kang Jeffrey Perez, anak sa tag-iya sa balay nga na-abo diin anaa usab nahimutang ang ilang upholstery shop, gipadayag niining adiser ang insidente duna silay nasigpatan usa ka indibidwal nga naghapa-hapa matod pa duol sa ilang panimalay.
Paglabay sa pipila ka gutlo kalit na lang gitilapan sa kalayo ang ilang balay hinungdan nga nagtuo niini nga gituyo ang maong pagsunog.
Sumala niini, ugdaw tanan ang ilang mga kabtangan sa ilang balay sama sa makina, motorsiklo ingon man ang binuhing baboy niini wala gipasaylo.
Away sa yuta ang gitu-uhan niining motibo sa maong sunog sanglit duna pa’y kaso tali nilang pamilya Perez og sa wala gipanganlang indibidwal.
