BUTUAN CITY – Nagpahimangno ang Department of Health (DOH) sa kamahinungdanon sa Breast Self-Examination (BSE) isip unang lakang aron malikayan ang grabe nga kaso sa breast cancer karong gi-obserba ang Breast Cancer Awareness Month.
Ang BSE usa ka paagi aron matino ang posibleng sintomas sa breast cancer, ug girekomenda nga buhaton kini ka-usa matag bulan, usa ka semana human magregla.
Kung wala ka nagregla, pumili og petsa nga regular kada bulan. Mahimo kini buhaton samtang naligo, nagtan-aw sa samin aron masuta ang kabag-ohan sa dughan, sa pagbutang og lotion, o paghigda sa dili pa matulog.
Himuon kini pinaagi sa paggamit sa tulo ka tudlo sa kamot, itaas ang usa ka bukton, ug hinay-hinay nga e examine gikan sa ilok padulong sa dughan. Sugdi sa kilid, patuyok padulong sa atngal. Pisilon og hinay ang atngal aron masuta kung adunay mogawas nga discharge.
Bantayi ang mga senyales sama sa bag-ong bukol o gahi nga parte, pagbag-o sa porma o kadak-on sa dughan, pagkunot sa panit, kasakit sa usa ka lugar, o discharge gikan sa utong ilabina kung adunay dugo.
Kung adunay nabantayan nga sintomas, ayaw kini ipasagdi, magpakonsulta dayon sa healthcare expert. Kung ikaw edad 40-anyos na pataas, importante nga magpa-mammogram kada isa hangtod duha ka tuig. Kini nga yano nga lakang makatabang sa sayo nga pagdiskubre sa mga simtomas ug makaluwas og kinabuhi.
