BUTUAN CITY – Pursigidong mupasaka ug kaso ang pamilya sa miyembro sa CAFGU sa Surigao Del Sur nga brutal nga gipatay sa iyang kanhe kaubanan matud pang New People’s Army.
Kini ang gipahayag ni Datu Marcos Bocales, tribal Chieftain sa atribung Bagani sa lungsod sa San Miguel sa maong lalawigan ug uyu-an sa biktimang si Mar Acevedo Bocales kinsa naila usab sa alyas nga Nerson Acevedo, residente sa Purok 5, Sitio Hagimitan, Brgy. Bolhoon, lungsod sa San Miguel, Surigao del Sur og CAFGU member sa Los Arcos Patrol Base ubos sa 9th Special Forces Command, 3rd Special Forces Battalion.
Sigon ni Datu Bocales, andam ang ilang pamilya nga mopasaka ug kaso batuk sa nailhang mihimu sa mangil-ngig nga kremin.
Giklaro niini nga kanhe miyembro sa NPA ang biktima ug tungod kay naka-amgo sa kamatooran, nibalik kini sa sabakan sa gobyerno.
Gi-angkon pa ni Bocales nga gilutos ang ilang pamilya tungod sa wala pagsunod sa ideolohiya sa walhong grupo nga karun gitawag na ug terorista ni Pangulong Rodrigo Duterte.
Gani, nagbutyag matud pa ang NPA nga martial-luhon ang ilang pamilya hinungdang sila nagtoo nga ang kamatayon sa CAFGU, sample na sa alang kanila apan dili matud pa siya mahadlok niini dungan sa pagpamugos nga dili siya musurender sa NPA.
Gipadayag nalang niini nga tungod sa paglutos kanila sa pikas grupo, dili na sila makahimu sa pag-ugmad sa ilang kaumahan sa bukid.
Mahinumduman, nanguha matud pa og pinasahing klase sa alibang-bang ang biktima sa bukid sa ilang lugar aron ibaligya sa usa ka butterfly collector sa ingon magamit sa pagpatambal sa nasakit niyang anak.
Sigon sa igsoon niini, napalgan nila nga duna’y mga samad-hiniwaan sa lawas sa biktima og giputol pa ang li-og nga ilang napalgan 5-metros ang gilay-on gikan sa iyang lawas.
Kini gawas pa sa lima ka mga samad-pinusilan diha sa iyang dughan, timaan nga gipa-antos pa kini og maayo adiser gipatay. (Melody Valledor)
