BUTUAN CITY – Makig-alayon sa City Environment and Natural Resources Office kon CENRO ang mga barangay officials sa Brgy. San Ignacio aron matudluan sa angayang buhatan kalabot sa reklamo sa pipila nila ka mga constituents, mahitungod sa usa ka tuig nang baho nga basura sa usa ka food chain sa ilang lugar.
Sa eksklusibong pakighinabi ning sibyahan, gibutyag ni barangay councilor Jersuen Timcang nga nagsugod ang problema dihang gipahunong na sa city government ang pagkolekta sa mga malata nga basura tungod kay wala pa mahuman ang landfill area sa Brgy. Aupagan nga gitaganang butangan niini.
Isip inisyal nga solusyon, putuson matud pa kaayo sa maong food chain ang ilang mga malata nga basura gamit ang cellophane nga muhungaw lang kung matandog matud pa ug kung mabasa.
Depensa usab sa opisyal, pribadong lugar ang ilang gibutangan sa basura, apan aron mahatagan usab og solusyon ang problema, magpatambag matud pa sila sa CENRO sa angayang buhaton sama sa kemikal nga i-spray aron dili mu-espongha ang baho niini.
Si Konsehal Jersuen Timcang sa Brgy. San Ignacio ning siyudad sa Butuan.
