BUTUAN CITY – Padayong gidayo sa mga senior ug non-senior citizens ang broadcast center sa Bombo Radyo Butuan aron makapangayo og libreng reading eyeglasses.
Nasayrang sukad pa sa unang bahin sa buwan sa Mayo, gisugdan na sa sibyahan ang pagtunolk niini niadtong mga tawong daut na ang ilang panan-aw.
Kini subay na usab sa tinguha sa Bombo Radyo uban sa pag-abag sa Faith Baptist Church pagpanguna ni Pastor Vicente Serrano aron maka-abag usab sa mga tigpaminawan ning sibyahan nga nagproblema sa ilang panan-aw.
Kini tungod na usab sa kasibot sa maong sekta nga makatunol og tabang isip abag na usab sa mga local government units ug ubang mga pribadong indibidwal o kompanya nga nagtunol usab og ayuda ngadto sa katawhan karong panahon sa COVID-19 pandemic.
Pulos pulong sa pagpasalamat ang gibungat sa mga nakadawat niini tungod kay gawas nga libre nila kining na-angkon, matubag na usab ang dugay na nilang gihambing problema.
