BUTUAN CITY- Masinati na ugmang adlawa dakong rollback sa presyo sa diesel ug kerosene diin asa sumala ni Energy Secretary Sharon Garin ang presyo sa diesel adunay pagkunhod P12.94 matag litro. Ang kerosene usab mokunhod og P15.71 matag litro. Samtang ang gasolina adunay pagsaka gamay og 53 sentabos.
Pagklaro pa ni Garin, nga lahi-lahi ang presyo sa matag gasolinahan depende sa hangyo sa delivery ug kalayo sa depot. Ang rollback misunod human sa padayon nga pagsaka sa presyo sa lana tungod sa tensiyon tali sa US, Israel ug Iran sukad Pebrero 28.
Gipasalig usab sa DOE nga magpadayon ang suplay sa lana human sa pag-abot sa upat ka shipment sa diesel nga gi-procure sa Philippine National Oil Company. Kini naglangkob og 178 milyon ka litro, igo na alang sa lima ka adlaw nga buffer stock.
Ang mga shipment gikan sa Japan ug lain-laing port sa Subic ug Davao nagpakita sa paspas nga aksyon sa gobyerno aron masiguro nga andam ang Pilipinas sa bisan unsang kalihokan nga makaapekto sa suplay ug kalig-on sa merkado.
