BUTUAN CITY – Eksklusibong gipakita sa Bombo Radyo Butuan ang isolated resort nga gitaguan ni KAPA founder Joel Apolinario uban sa iyang pamilya ug mga sakop human kini nasulod sa mga otoridad kagahapon sa buntag didto sa Sitio Dahican, Brgy Handayaman, Lingig, Surigao del Sur.
Sa entrada pa lang sa resort, makita ang guard house diin natigayon ang engkwentro nga gikamatay sa usa sa mga body guards ni KAPA founder Joel Apolinario nga si Melecio Siano kinsa wala na maka-abot pang buhi dhang gidala sa ospital.
Gikan sa guard house, kansa gibana-banang usa ka kilometrol ang gilay-on, makita na ang kolor puti nga mansyon sa mga Apolinario nga gibana-banang nagsukod og 300-square meters ang ground floor niini nga maoy gipuy-an sa ilang mga babayeng trabahante.
Anaa usab sa ubos sa mansion ang balay diin natigayon ang ikaduhang engkwentro ng gikamatay sa laing body guard.
Makita usab sa palibot ang white sand samtang anaa sa baybayon ang upat ka mga jet skis.
Gawas pa kini sa nagkatag nga mga heavy equipment nga gigamit alang sa pag-develop pa sa maong resort nga kaniadto mg kalubian lang.
