BAYAN-Agusan del Norte, naglusad og blood-letting activity isip suporta sa Dugong Bombo 2017
BUTUAN CITY – Ubay-ubay nga mga tawo ang midonar sa ilang dugo subay na sa blood-letting activity nga gipasi-ugdahan sa Bagong Alyansang Makabayan kon BAYAN-Agusan del Norte chapter sa may Brgy. Baan. Kilometer 3 ning siyudad sa Butuan.
Sigon ni Jonie Debenia – coordinator sa Kilusang Mangbubukid ng Pilipinas kon KMP-Caraga, lakip sa mga nagdonar sa ilang dugo ang mga residente sa Brgy. Pigda-ulan, Don Francisco og uban pa.
Ang maong kalihukan, kabahin matud pa sa ilang pagsuporta sa Dugong Bombo project sa Bombo Radyo Philippines niadtong Nobyembre 18.
Target nilang makatala og 150 ka mga successful blood donors aron ma-abag usab sa tinguha sa network nga makatunol og supply sa dugo alang sa mga nanginahanglan aron masumpayan pa ang ilang kinabuhi.
Gipasabot sa opisyal nga wala sila makadungan sa mismong eskedyol sa Dugong Bombo tungod sa ubay-ubay nga mga kalihukang ilang gipatuman. (Beth Ruiz)
