BUTUAN CITY – Malampusong napatubo sa usa ka 19-anyos nga batan-ong lalaki gikan sa Spain ang pinakabug-at nga cantaloupe melon sa kalibutan, nga mitimbang og labaw pa sa gibug-aton sa standard washing machine.
Si Llorenç Soler Adrover, bag-o lang nakatala og Guinness World Record human nga ang iyang na-ani nga melon mitimbang og 31.44–kilo kansa mas bug-at pa kay sa ordinaryong otso-anyos nga bata, ingon man usa ka hamtong nga Golden Retriever.
Nalabwan niini ang una nga record nga 30.47 kilos nga natala sa 2019. Alang kang Llorenç, ang paghimo og bag-ong rekord bisan pa sa iyang pagkabatan-on usa ka personal nga kalampusan ug padayon siyang naglaum nga magsilbi siya nga inspirasyon sa ubang mga batan-onan nga hatagan og bili ang agrikultura ug magtinguha sa ilang kaugalingon nga kalampusan.
