BUTUAN CITY – Padayong gi-imbestigahan sa kapulisan sa Malabang, Lanao del Sur ang pagbanhig-patay sa barangay kapitan kagahapon sa buntag sa Brgy Montay, nga mi-angol usab sa iyang ka-uban.
Gi-ila ni Lt Col Jopy Ventura, tigpmaba sa Police Regional Office-Bangsamoro Autonomous Region ang namatay nga si Punong Brgy Binhar Alon Jawad, 25-anyos, residente ug kapitan sa Brgy. Baraas, lungsod sa Picong sa susamang probinsya samtang ang ka-uban niining na-angol mao si Norhan Sarip kinsa duna’y mga igo gikan sa mga sa gitoohang 5.56 rifle.
Nasayrang padulong unta sa Brgy Bacayawan ang mga biktima sakay sa pribadong sakyanan aron mutambong sa graduation ceremony apan kalit gipa-ulana’g mga bala sa mga suspek nga lulan usab sa kolor puti nga Toyota Fortuner.
Mihimo pa sa hot pursuit operation ang mga otoridad aron tumbukon kung kinsa ang utok sa kremin ug motibo niini kondiin apil sa anggulo nga ilang gitutukan, ang politika.
