BUTUAN CITY – Midangop dinhe sa Bombo Radyo Butuan si Pastor Aldrin Jovita gikan sa United Church of Christ in the Philippines kon UCCP-Butuan City aron ipasabot ang natigayong problema sulod sa simbahan.
Saysay pa sa Pastor nga dunay mga miyembro sa simbahan nga misi-ak og nagmugnag grupo nga gitawag og UCCP-Butuan City Evangelical Church apan tungod og alang sa kalinaw, gitugutan silang mogamit sa pasilidad sa simbahan.
Nagparehistro sila sa Securities and Exhange Commission kon SEC nga gihatag usab sa ilaha. Apan tungod kay dili naman sila magpailalom sa Agusan District Conference og sa tibook UCCP, nagduso silag petisyon sa SEC nga dili na sila mogamit sa ngalan sa UCCP og sa pasilidad diin nagpagawas og disesyun ang UCCP pabor sa ilaha.
Bisan paman niini, padayon silang migamit sa ngalan sa UCCP og sa pasilidad hangtud na niadtong Domingo, Marso 29, 2026, diin duna matud pa silay gihimo nga dili Diosnon og dili Makatao tungod kay human sa ilang pagsimba, ila mang gi-paddlock ang simbahan og wala na pasudli dayung pamugos nga sila ang tag-iya sa yuta og pasilidad.
Sigon ni Pastor Jovita nga sa titulo sa yuta dunay nabutang didto nga evangilical Church apan dili pwedeng sila ang tag-iya tungod kay bag-ohay palang sila nagpa-rehistro sa ilang ngalan.
Giputlan pa niini og linya sa kuryente og internet nga nagpasamot sa kasakit sa mga tawo nga nagpuyo sa sulod samtang duna pa silay gikulata nga tawo kansa naka-blotter na.
Ang nakapait niini kay dunay mga tawo pa sa sulod nga nagpuyo nga dili usab gustong mogawas sa rasong mailog na nila sa hingpit ang simbahan.
Nagkuha usab ang mga niini og mga tawong nagdala og bunal aron magbantay sa bisinidad.
Gihimakak usab niini ang pamahayag sa pikas grupo nga plano matud pa nilang sunogon ang simbahan rasong ila kinig i-take-over.
Nanawagan nalang si Pastor Jovita sa tibook komperensiya o sa tibook UCCP og pag-ampo aron maprotektahan ang simbahan.
