BUTUAN CITY – Gianunsiyo sa International Olympic Committee (IOC) ang ilang himoong kabag-ohan.
Una niini ang mga sports nga pambabae dapat apilan lang sa mga tinood nga babae ug bawal sa mga transgender women.
Sumala ni IOC president Kirsty Coventry nga mahimong epektibo kini sa 2028 Los Angeles Olympics.
Dugang pa niini nga ang polisiya gipangunahan sa ilang mga medical experts.
Pasabot pa sa opisyal nga dili patas nga apilan sa usa ka dili tinood nga babaye ang dula para sa mga babae.
Lakip usab sa gibawal ang mga atleta nga dunay Differences in sex development (DSD) diin ang hormones, genes o reproductive organs dunay sagol nga lalake ug female characteristics.
Pahugtan nila ang matag moapil sa mga pambabaeng sports sama sa pagpailalom sa screening pinaagi sa pagkuha sa saliva, blood o swab sample.
Ang dili mopasar mamahimo pa gihapong moapil sa mga sports nga walay sexual classification.
