BUTUAN CITY – Malampusong na-detonate sa mga sakop sa Explosives and Ordnance Division kon EOD team sa Police Regional Office-13 ang usa ka granada nga wala mibusikad human gilabay ngadto sa panimalay sa mga matud pa, pamilyang barangan sa Surigao City.
Sa eksklusibong interview sa Bombo Radyo Butuan, gipadayag ni P/Supt. Diomedes Cuadra Jr., hepe sa Surigao City Police Station, nakamata na lang ang pamilya ni Bernarditha Olar sa Purok 7, Brgy. Cantiasay, Surigao City, tungod sa kusog nga saba og dihang ilang gisusi, dinhi na nakita ang wala mibusikad nga granada sulod sa ilang balay hinungdan nga gilabay usab nila kini’g balik sa gawas kansa wala mibusikad dayong tawag sa kapulisan.
Nasayran base sa ilang imbestigasyon nga pila ka higayon na silang nagbalhin-balhin og kapuy-an sa mga island barangays sa maong siyuadad human human gi-akusahang mamarangay ang ilang pamilya.
Gipakisayran pa sa kapulisan ang responsable sa pagpanglabay sa maong granada. (Beth Ruiz)
