BUTUAN CITY– Gi-aprobahan na sa House of Representatives sa ika-tulo ug katapusang pagbasa ang House Bill No. 8418 kansa naghatag og gahom kang Presidente Ferdinand “Bongbong” Marcos Jr. nga temporaryong magsuspende o makapakunhod sa excise tax sa mga produktong petrolyo kon adunay krisis sa ekonomiya sa nasud o kalibutan.
Nakadawat kini og 247 ka boto nga pabor, tulo ka supak ug walay abstention. Sumala ni House Majority Leader Ferdinand Alexander “Sandro” Marcos, tumong sa maong sugyot nga dali nga matabangan ang publiko kon mosaka ang presyo sa lana sa merkado nga nagresulta sa pagtaas sa pamasahe, pagkaon ug kuryente.
Ubos sa balaod, mahimo nga kuhaan hangtod P10 matag litro sa gasolina ug P6 sa diesel kon ang presyo sa krudo molapas og $80 matag bariles o kon adunay idineklarang national emergency.
Ang gahom sa suspensyon mahimong molungtad og unom ka bulan ug magamit hangtod Disyembre 31, 2028. Apan adunay mga mambabalaod nga misupak sama nila Kabataan Rep. Renee Co, Gabriela Rep. Sara Elago ug ACT Teachers Rep. Antonio Tinio, kansa nag-ingon nga dili kini motubag sa ugat sa problema sa sektor sa lana.
Samtang si Akbayan Rep. Chel Diokno misuporta sa sugyot apan nagpasidaan nga kinahanglan pa og mas lapad nga ayuda sa mga sektor nga grabe naapektuhan.
Si Akbayan Rep. Chel Diokno. Gipasabot usab ni Kabataan Partylist Renee Louise M. Co ang ang iyang boto batok sa House Bill No. 8418, kansa naghatag og gahom sa President nga temporary suspension sa excise tax sa mga produktong petrolyo dayong anawagan og permanente nga pagtangtang sa excise tax ug VAT sa lana ug sa mas hugot nga regulasyon sa industriya sa lana, samtang gisugyot ang pagpalig-on sa renewable energy aron maminusan ang pagdepende sa imported nga krudo.
