BUTUAN CITY – Tulo na ang patay samtang usa ang missing sa pagkuso-kuso sa bagyong Vicky dinhi sa Caraga Region.
Base sa situational report gikan sa Regional Tactical Operations Center sa Police Regional Office kon PRO-13, as of kagahapng adlawa, mi-abot na sa 2,257 ka mga pamilya kon 3,262 ka mga indibidwal ang malampusong nahikling gikan sa ilang pinuy-anan ug gidala ngadto sa 558 ka mga evacuation centers.
Hangtud karon, pabiling naka-full alert ang PRO-13 ilabina sa mga lugar ning rehiyon nga nakasinati og kalit nga pagbaha ug pagdahili sa yuta.
Sigon ni PRO-13 regional director PBGen Romeo Caramat Jr., gusto nilang masiguro ang kaluwasan sa ilang mga personahe ug kadtong naghatag og hinabang kansa mao ang konsepto sa disaster risk reduction and management program sa DRRMC.
Gibutyag sa opisyal nga mi-abot sa kinatibuk-ang 1,066 nila ka mga personahe ug mga force multipliers ang ilang gipang-deploy aron maglusad sa search and rescue operations, traffic control and management, paghatag og assistance atol sa paghikling sa mga residente sa mga flood-prone areas ug uban pang public safety operations sa tibuok rehiyon.
